काठमाडौं । चितवन मेडिकल कलेज (सीएमसी) को पठनपाठन पाँच महिनादेखि अवरुद्ध छ । अतिरिक्त शुल्क खारेजी र फिर्ताको माग राख्दै विद्यार्थीले आन्दोलन जारी राखेपछि पाँच महिनादेखि पढाइ सुचारु हुन नसकेको सङ्घर्ष समितिकी सदस्य मान्यता थापाले जानकारी दिइन् ।
“तोकेभन्दा बढी असुलेको शुल्क समायोजन गर्ने सहमति सरकार र मेडिकल कलेज सञ्चालकबीच भएपछि पठनपाठन सुचारु हुने आशा थियो । तर, विद्यार्थीमाथि शोषण गर्न पल्किएका मेडिकल कलेज सञ्चालकले शुल्क समायोजन गर्न अटेर गरिरहेका छन् । त्यसैले हामी आन्दोलनमै छौं । अतिरिक्त अशुलिएको शुल्क खारेजी र समायोजन नहुँदासम्म आन्दोलनबाट पछि हट्ने कुरा पनि आउँदैन,” थापाले बाह्रखरीसँग भनिन् ।
