गायक तथा संगीतकार देव गुरुङको ‘बिकम बारुलौं...’ को रिमेक भर्सनमा तयार भएको म्यूजिक भिडियो सार्वजनिक भएको छ। जमर्को इन्टरटेनमेन्टको युट्यूव च्यानलबाट सार्वजनिक भएको म्यूजिक भिडियोमा मोडलद्वय बादल श्रेष्ठ र नग्मा श्रेष्ठले अभिनय गरेका छन्।
मोरङको जाँते र मिक्लाजुङमा छायांकन गरिएको भिडियोलाई शिव श्रेष्ठले कोरिग्राफी गरेका हुन्।
गीतको रचना/संगीत/गायन देव गुरुङले सम्हालेका छन्। चन्दु गोर्खालीको संगीत संयोजन छ।
सन्तोष राईले निर्देशन गरेको यस गीतलाई आर.बी. स्टुडियो काठमाडौं र काब्य स्टुडियो दमकमा रेकर्ड गरिएको हो ।
गाउँले परिवेशको यस म्यूजिक भिडियोमा देवराज सिग्देलको छायांकन, महेश सिग्देलको मेकअप र दिनसन साहको सम्पादन रहेको छ ।
यस गीतलाई म्यूजिक भिडियो र चलचित्र निर्माणमा सक्रिय रहँदै आएको क्रेजी इन्टरटेमेन्टले निर्माण गरेको हो ।