अमेरिकी बजारमा तेलको भाउमा ४.५ प्रतिशतसम्म बृद्धि भएको छ ।
गल्फ अफ ओमानमा भएको एउटा शङ्कास्पद हमलामा दुईवटा ट्याङ्करमा क्षति पुगेपछि अमेरिकी बजारमा तेलको भाउमा वृद्धि भएको हो ।
झण्डै पाँच महिनासम्म ओरालो लागेको तेलको भाउ बिहीवारको घटनापछि बढेको हो ।
विश्वकै व्यस्त तेल निर्यात मार्गमध्येको एउटा मार्गनजिकै रहेका ती ट्यांकरमा विस्फोटन र आग्लागी भएको छ ।
टयांकरलाई सुरक्षित स्थानमा सारेर चालक दलको उद्धार गरिएको छ ।
यस घटनाका लागि कसैले पनि जिम्मेवारी लिएको छैन । तर, अमेरिकी विदेशमन्त्री माइक पम्पेओले भने यसका लागि इरान जिम्मेवार रहेको आरोप लगाएका छन् ।
