अमेरिकामा कोलोराडो राज्यको डेन्भरस्थित एक विद्यालयमा भएको गोलीबारीमा एकजनाको मृत्यु भएको छ भने कम्तिमा आठजना घाइते भएका छन्। घटना हाइल्याण्ड राँचको स्टेम स्कूलमा मंगलबार दिउँसो भएको हो।
डग्लस काउन्टीका अन्डरसेरिफले घटनाको पछिल्लो विवरण दिदै यस्तो जानकारी गराएकी हुन्।
गोलीबारी गरेको आशंकामा विद्यालयकै दुई विद्यार्थीलाई प्रहरी हिरासतमा लिई सोधपुछ गरिरहेको बताइएको छ।
१२ कक्षासम्म पढाइ हुने विद्यालयमा एकहजार आठसय ५० विद्यार्थी अध्ययनरत् रहेको बताइएको छ।
अमेरिकामा बन्दुक आतंक सामान्य हुँदै गएको छ। केही समययता स्कूल पनि बन्दुक आतंकको पर्याय बन्दै गएको छ।
