कम बजेटमा हिट फिल्म दिन माहिर मानिने बलिउड अभिनेता आयुष्मान खुरानाको अर्को फिल्मले पनि राम्रो व्यापार गरेको छ। उनले अभिनय गरेको ‘आर्टिकल १५’ फिल्म शुक्रबार सार्वजनिक भएको थियो।
फिल्मले एक दिनमै ५ करोड २ लाख कमाई गरिसकेको छ। कमाईको हिसाबमा उनको यो फिल्मले नयाँ कीर्तिमान राख्ने बलिउड फिल्मका व्यापार समीक्षक तरुण आदर्शले बताएका छन्।
आयुष्मानको गत वर्ष रिलिज ‘बधाई हो’ फिल्मले ७ करोड ३५ लाख व्यापार गरेको थियो। तरुण आदर्शका अनुसार उनको त्यो रेकर्ड छिट्टै भंग हुनेछ।
आयुष्मानको ‘शुभमंगल सावधान’ ले २ करोड ७१ लाख, ‘अन्धाधुन’ ले २ करोड ७० लाख र ‘बरेली कि बर्फी’ ले २ करोड ४२ लाख व्यापार गरेको थियो।
