काठमाडौ । सिके राउत नेतृत्वको जनमत पार्टीका लागि उपचुनाव शक्तिमापनका समय पनि हो । विखण्डनको नारा दिएर जन्माएको जनमत पार्टी पहिलो पटक चुनावमा भाग लिँदैछ । मधेशलाई अलग देश बनाउने नारा दिएर सिंहदरवारलाई समेत तरङ्गित पारेका सिके राउत मूलधारमा आएपछि जनमत पार्टीको परीक्षाको समय शुरु भएको छ ।
मंसिर १४ गते हुने उपचुनावमा सिके राउतका जनमत पार्टीले बारा, सिरहा, मोरङ, सर्लाही, सप्तरी, कपिलवस्तु र महोत्तरी जिल्लाको स्थानीय तहमा हुने उपचुनावमा भाग लिएको छ । स्वतन्त्र मधेश गठबन्धन संगठनमार्फत राजनीतिमा छिरेपछि उनले ठूलै तरङ्ग ल्याएका थिए । तर त्यो तरङ्ग अहिलेको उपचुनावमा काम नलाग्ने तराई मधेशका विश्लेषकहरु बताउँछन् ।
