काठमाडौं : महानगरीय प्रहरी अपराध महाशाखाको टोलीले मङ्गलबार दुईजना पाकिस्तानी नागरिकलाई पक्राउ गरेपछि चोरीको अर्को तरिकाको पर्दाफास भएको छ।
चोरीको अभियोगमा महाशाखाको टोलीले पाकिस्तानी नागरिक मोहसिन खान र उनकी श्रीमती पूजा मोसिन खानलाई नियन्त्रणमा लिएर अनुसन्धान गर्दा चोरीको नयाँ तरिका पत्ता लागेको हो।
प्रहरीका अनुसार ती दुई दम्पत्तीले विभिन्न पसलहरुमा जाँदै आफूलाई नेपाली सबैभन्दा ठूलो नोट हेर्ने भन्दै झुक्याएर पैसा लुट्ने गरेको भेटिएको छ।
खान दम्पती विरुद्ध अपराध महाशाखामा भक्तपुरका व्यापारी रामकृष्ण श्रेष्ठ, सन्तकृष्ण हेका र शारदा वाग्लेले चोरी गरेको उजुरी दिएका थिए। प्रहरीले उनीहरूलाई सिनामंगलमा रहेको रुद्र भ्यु होटेलको कोठा नम्बर १०४ बाट पक्राउ गरेको थियो। प्रहरीले उनीहरूको साथबाट १ लाख ३७ हजार रुपैयाँ, केही विदेशी रकम र एउटा कार समेत बरामद गरेको छ।
