कामिरिता शेर्पाले बुधवार बिहान २३औँ पटक सगरमाथा चढेर नयाँ विश्व कीर्तिमान कायम गरे।
तर उनका श्रीमतीका लागि भने कामिरिताले पहिलो पटक सगरमाथा चढ्दा मनमा जति त्रास थियो आज पनि उत्तिकै छ।
लाक्पा जाङ्मु शेर्पा भन्छिन्: "बाटो निकै डरलाग्दो छ। जति नै पटक सगरमाथा चढेपनि श्रीमानको चिन्ता त भइहाल्छ नि!"
अहिलेसम्म २८० जनाभन्दा बढीको ज्यान लिइसकेको सगरमाथा चढ्न जाने शेर्पाहरूको परिवारमा भने उनीहरू नफर्के सम्म त्रास रहन्छ।
