यो वर्ष वसन्त ऋतुमा सगरमाथा आरोहणको अनुमति लिएर आधार शिविरमा भेला भएका पर्तारोहीहरूले विश्वको सर्वोच्च शिखर चढ्ने प्रयास थालेका छन्।
नेपालको पर्यटन विभागमा यो याममा सर्वोच्च हिमाल चढ्नका लागि अहिलेसम्मकै सबैभन्दा बढी अर्थात् ३७८ जनाले अनुमति लिएका छन्।
आरोहण अनुमति बापत नेपाल सरकारले ४५ करोड रुपैयाँ भन्दा बढी राजस्व उठाएको छ।
तर पर्वतारोहीको बढ्दो सङ्ख्यालाई नियमन गर्नुपर्ने अन्यथा कालान्तरमा सगरमाथामा विभिन्न समस्या उत्पन्न हुने चेतावनी विज्ञहरूले दिएका छन्।
