काठमाडौं–राजधानीको बुद्धनगरस्थित वैदेशिक रोजगार विभागको कार्यालयमा वैदेशिक रोजगारीका क्रममा ठगिएका युवाको दैनिकजसो भीड नै लाग्ने गर्छ ।
यसरी ठगीको मुद्दा लिएर विभाग धाउनेमा सुनसरी स्थायी ठेगाना भइ काठमाडौंको नागार्जुन–९ स्यूचाटार बस्ने तीर्थराज निरौला पनि छन् ।
वैदेशिक रोजगारीको क्रममा ठगीएपछि न्यायका खोजी गर्दै निरौला करीब ५ महिनादेखि विभाग धाइरहेका हुन् ।
१० वर्षसम्म संयुक्त अरब इमिरेट्स (युएई) को दुबईमा बसेका निरौलाले आफू प्यूठानको साविक खुङ गाविस–७ घर भएका अमर कुँवर र मोरङ जिल्ला विराटनगरपालिका–३ घर भएकी दीक्षा कुँवरको विभिन्न प्रलोभनमा परेर ठगिएको बताए ।
