नेपाली कफी फ्रेन्चाइज हिमालयन जाभाले सञ्चालन गरेको कफी स्कुल विदेश जानेहरुका लागि एउटा आकर्षण बन्दै गएको छ।
नेपालमा कफी संस्कृति फैलाउन योगदान गरेको जाभाले ६ वर्षदेखि काठमाडौंको सिभिल मललमा कफी स्कुल सञ्चालन गर्दै आएको छ। यो कफी स्कुलले हरेक महिना १५ जना बरिष्टा ग्र्याजुएट गर्छ।
तालिमेहरुले ५० घन्टा कक्षा र ५० घन्टा प्रयोगात्मक गरी कुल १०० घन्टाको कक्षा लिन्छन्। यसरी तालिम लिएकाहरुलाई स्कूलले जाभा आउटलेटहरुमा इन्टर्नसीपमा पठाउँछ।
