प्रदेशसभा सदस्य लिलाबल्लभ अधिकारीले सुन तस्करको पक्षमा अदालतमा बहस गरेर आफूले गल्ती नगरेको स्पष्टीकरण पार्टीलाई दिएका छन्। करिब ३८ क्विन्टल सुन तस्करी र उर्लाबारीका सनम शाक्यको हत्या प्रकरणमा अभियुक्तको पक्षमा बहस गरेको भन्दै सांसद अधिकारीमाथि प्रदेशसभामै प्रश्न उठेपछि नेकपाले स्पष्टीकरण सोधेको थियो। प्रदेशसभामा सांसदहरूले सुनकाण्डमा बहस गरेर आफ्नो मर्यादा बिर्सेको र त्यसले सकारात्मक सन्देश नदिएको भन्दै नैतिक प्रश्न उठाएका थिए।
