काठमाडौँ । स्वतन्त्र मधेस गठबन्धनका संयोजक सीके राउतले गठन गरेको जनमत पार्टीले तराई मधेसमा आफ्नो सङ्गठन विस्तारमा तीव्रता दिएको छ ।
सो पार्टीले अहिले तराईका विभिन्न जिल्लामा जिल्ला परिषद् गठन गर्नुका साथै आमसभा गरिरहेको छ । साथै युवा, महिला, विद्यार्थी, सहकारी, किसान, दलितलगायतका भ्रातृ सङ्गठन बनाइरहेको छ ।
तर सीके राउत जनमत पार्टी गठन गर्दै मूलधारमा आएपछि सबभन्दा बढी आक्रमक मधेसी केन्द्रित दल अर्थात प्रदेश २ को सरकारप्रति देखिन्छन् ।
