नेपाल १३ औं दक्षिण एसियाली खेलकुद (साग) अन्तर्गत महिला भलिबलको फाइनलमा पराजित भएको छ।
मंगलबार राष्ट्रिय खेलकुद परिषद् (राखेप)को कभर्ड हल त्रिपुरेश्वरमा भएको निकै रोमाञ्चक खेलमा भारतले नेपाललाई ३-२ को सेटमा हराएको हो।
पहिलो सेटमा भारतसँग १७–२५ ले पराजित भएको नेपालले दोस्रो र तेस्रो सेटमा उत्कृष्ठ प्रदर्शन गरेको थियो।
दोस्रो सेटमा नेपालले भारतमाथि २५–२३ काे जित निकाल्यो।त्यस्तै नेपालले तेस्रो सेट २५–२१ ले जित्न सफल भयो ।
तर, चाैथाे सेटमा नेपाल भारतसँग २५-२० ले पराजित भयाे।
अन्तिम तथा निर्णायक सेटमा नेपाल भारतसँग १५-६ ले पराजित भयो।
यद्यपि रजत सागमा नेपालले महिला भलिबलमा पाएको सबैभन्दा ठूलो पदक हो। यसअघि नेपालले तीन पटक कास्य जितेको थियाे।
