अन्तराष्ट्रिय मैत्रीपूर्ण फुटबल खेलमा अर्जेन्टिना बरारबीमा रोकिएको छ।
सोमबार राति उरुग्वेसंँग भएको खेलमा अर्जेन्टिनाले २–२ को बराबरीमा रोकिएको हो।
खेलमा अग्रता ईडिन्सन काभानीको गोलमा उरुग्वेले ३४ औ मिनेटमा लिएको थियो।
पहिलो हाफ १–० मा सकिएको खेलमा दोस्रो हाफ थप ३ गोल भए।
सर्जियो अग्युरोले ६३ औ मिनेटमा बराबरी गोल फर्काएका थिए।
लुईस स्वारेजले ६८ औ मिनेटमा गोल गर्दै उरुग्वेलाई पुन अग्रता दिलाए ।
तर हारतर्फ उन्मुख अर्जेन्टिनालाई लिओनल मेसीले ईन्जुरी समयमा पेनाल्टीमा गोल गर्दै जोगाए।
अघिल्लो खेलमा उनकै गोलमा अर्जेन्टिनाले ब्राजिललाई हराएको थियो ।
