बनेपामा फोहोरमैला जलाउने ठाउँको विषयमा विवाद हुँदा भएको झडपमा ५ जना घाइते भएका छन् ।
बनेपा नगरपालिका वडा नं ९ को खाली जग्गामा फोहोर मैला जलाउने मेसिन राख्न लागेको विरोधमा स्थानीयले विरोध गर्दा झडप भएको हो ।
स्थानीयको विरोध रोक्न प्रहरीले लाठीचार्ज र अश्रुग्यास हानेको थियो ।
वडा अध्यक्ष शेरबहादुर सुवालले नगरपालिकाले स्थानीयको मागलाई बेवास्ता गर्दै मेसिन राख्न डोजर लगाउन खोजेपछि झडप भएको बताए ।
स्थानीयको विरोधका बाबजुद सोमबार नगरपालिकाले डोजर लगाएर ठाउँ सम्याउन खोजेपछि झडप भएको हो ।
घाइतेको स्थानीय स्वास्थ्य संस्थामा उपचार भइरहेको छ ।
