इंग्लिस प्रिमियर लिग फुटबल खेलको इन्जुरी सयममा साडियो मानेले नाटकीय रुपमा गोल गर्दा लिभरपुल विजयी भएको छ ।
गए राति सम्पन्न खेलमा एस्टन भिल्ला विरुद्ध २–१ गोल अन्तरले लिभरपुल विजयी भएको हो ।
२१ मिनेटमा एस्टन भिल्लाका ट्राजेग्वेटको गोलबाट पछि परेको लिभरपुलले खेल सकिँनै लाग्दा पुनरागमन गरेको थियो ।
नाटकीय पुनरागमनका क्रममा खेलको ८७ औं मिनेटमा रोवर्टसनले गोल गरेर खेललाई एक एकको बराबरीमा ल्याएको थिए । तर रेफ्रिले ह्विसल लगाउन केही सेकेन्ड मात्र अघि मानेले गोल गरे र लिभरपुल विजयी भयो ।
जीतसँगै लिभरपुल शीर्ष स्थानमा यथावत रहेको छ ।
