प्रिमियर लिग फुटबलको चेल्सीले अर्काे जित हात पारेको छ ।
शनिबार राति भएको खेलमा वाटफोर्डलाई २–१ गोल अन्तरले हराउँदै चेल्सीले अर्काे जित हात पारेको हो ।
चेल्सीको जितमा टमी अब्राहम र क्रिस्टियन पोलिसिकले समान एक एक गोल गरे । यता वाटफोर्डका लागि एक मात्रै गोल जेरार्ड डेउलोफ्युले गरे ।
अब्राहमले खेलको पाँचौ मिनेटमा चेल्सीलाई अग्रता दिलाएका थिए ।पोलिसिकले ५५ औ मिनेटमा लण्डन क्लबको अग्रता दोब्बर पारेका थिए ।
८० औ मिनेटमा जेरार्ड डेउलोफ्युले पेनाल्टीमा गोल गर्दै वार्टफोर्डलाई खेलमा फर्काउने कोशिश गरेका थिए ।
जितसँगै चेल्सी तालिकाको तेस्रो स्थानमा उक्लिएको छ । उसले ११ खेलबाट २३ अंक जोडेको छ । वाटफोर्ड ५ अंक सहित तालिकाको पुछारमा छ ।
