प्रधानमन्त्री केपी शर्मा ओलीले छठ पर्वले मानवीय भावनालाई अझ व्यापक बनाउने बताएका छन् ।
छठ पर्वको अवसरमा शनिबार एक शुभकामना सन्देश जारी गर्दै उनले छठलाई कृतज्ञता, प्रकाश र जीवनको चाडको रूपमा स्मरण गरेका छन् । प्रधानमन्त्री ओलीले छठ पर्वले मानव जीवनलाई उज्यालो तथा सुख समृद्धितर्फ जान उत्प्रेरित गर्ने बताएका छन् ।
उनले सन्देशमा भनेका छन्, ‘छठ पर्व सूर्यको आराधना र प्रार्थना गरेर मनाउने तथा सूर्यबाट आफूले पनि तमसोमा ज्योतिर्गमय भनेर उज्यालो र सुख, समृद्धितर्फ जान प्रेरित गर्दछ ।’
सूर्यको उपासना गर्दै मनाइने पर्व छठका अवसरमा हार्दिक शुभकामना।
— K P Sharma Oli (@kpsharmaoli) November 2, 2019
सूर्योपासनाक पावनि छठिक अवसरपर देशमे आ देशसँ बाहर रहनिहार सम्पूर्ण नेपाली दिदी-बहिन आ भाइसभमे सुस्वास्थ्य, समृद्धिक मङ्गलकामना। pic.twitter.com/Phk80MdCeH
छठ पर्वमा खासगरी सूर्यलाई भगवानको रूपमा पूजा गरिने स्मरण गर्दै प्रधानमन्त्री ओलीले सन्देशमा सूर्यलाई नवग्रहकै उत्पत्तिकर्ता, सृष्टिकै उत्पन्नकर्ता तथा आदिदेवको रूपमा सम्झना गरिने उल्लेख गरेका छन् ।
उनले स्वेदश तथा विदेशमा बसेर छठ पर्व मनाउने सबैप्रति सुस्वास्थ्य, दीर्घायू र उत्तरोत्तर प्रगतिको शुभकामना व्यक्त गरेका छन् ।
