डच क्लब फेएनुर्डका प्रशिक्षक जाप स्टामले प्रशिक्षक पदबाट राजीनामा दिएका छन् ।
लिगमा यस सिजन खराब प्रदर्शन भएपछि ४७ वर्षीय स्टामले क्लब सम्हालेको सात महिनामै राजीनामा दिएका हुन् ।
फेएनुर्डले आइतबार मात्र आयाक्सको हातबाट ४-० को हार व्यहोरेको थियो ।
फेएनुर्डले पछिल्लो ११ लिग खेलमा मात्र ३ जित निकालेको छ । फेएनुर्ड लिगको १२ औं स्थानमा रहेको छ ।
म्यानचेस्टर युनाइटेडका पूर्व डिफेन्डर समेत रहेका स्टामले सन् २०१६ बाट रिडिङको प्रशिक्षक बन्दै प्रशिक्षण करियर थालेका थिए ।
