पाँचथरको फाल्गुनन्द गाउँपालिका–३ पौवासारतापमा एक व्यक्ति मृतावस्थामा फेला परेका छन् । मृत्यु हुनेमा स्थानीय ४५ वर्षीय भुवानीप्रसाद श्रेष्ठ रहेका छन् ।
शनिबारदेखि घरबाट हराइरहेका उनी सोमबार बिहान स्थानीयवासीले तीनतले भिरमा मृतावस्थामा फेला पारेको स्थानीयवासी धनसिंह नेम्वाङले बताए ।
उनको भिरबाट लडेर मृत्यु भएको हुनसक्ने अनुमान गरिएको छ ।
उनको जिल्ला अस्पताल पाँचथरमा शव परीक्षणसमेत गरिसकिएको प्रहरी निरीक्षक तथा सूचना अधिकारी अनिल पौड्यालले बताए ।
