स्पेनिस ला लिगा फुटबलमा एट्लेटिको मड्रिडले जित हात पारेको छ । शनिबार राति भएको खेलमा एट्लेटिकोले एथ्लेटिक बिल्बाओलाई २–० ले हराएको हो ।
घरेलु मैदानमा एट्लेटिकोलाई जित दिलाउन सउल निगुएज र अल्भारो मोरटाले एक एक गोल गरे ।
खेलको २८ औं मिनेटमा निगुएजले गोल गर्दै एट्लेटिकोलाई सुरुवाती अग्रता दिलाएका थिए ।पहिलो हाफ एक गोल गरेको एट्लेटिको दोस्रो हाफमा पनि थप एक गोल गर्यो।
खेलको ६४ औं मिनेटमा मोरटाले गोल गर्दै एट्लेटिकोलाई २–० को जित दिलाए ।
जितसँगै एट्लेटिको लिगको दोस्रो स्थानमा उक्लिएको छ । एट्लेटिकोले १० खेलमा १९ अंक जोडेको शीर्ष स्थानको बार्सिलोनासँगको अंक बराबर समेत गरेको छ । बार्सिलोनाले एक खेल कम खेलेको छ ।
यस्तै पराजित बिल्बाओ १० खेलमा १३ अंक जोडेर दशौँ स्थानमा रहेको छ ।
ला लिगा अन्तर्गत नै अर्को खेलमा रियल भालाडोलिडले इबरलाई २–० ले हराएको छ । यता लेगानेसले मालोर्कालाई १–० ले हराएको छ ।
