वीरगन्ज महानगरपालिका १६ मा एक पुरुषको शव फेला परेको छ । अज्ञात समूहले हत्या गरि बोरामा पोको पारेर नगवा पोखरीको डिलमा फालेको अवस्थामा शुक्रबार दिउँसो शव फेला परेको हो।
मृतक पुरुष सोहि ठाँउका ४० वर्षिय बुनिलाल चौरसिया रहेको प्रहरीले जनाएको छ । चौरसियाको धारिलो हतियार प्रयोग गरी हत्या गरिएको र त्यस पश्चात उनको शव बोरामा पोको पारेर पोखरीमा फालेको अवस्थामा फेला परेको जिल्ला प्रहरी कार्यालय पर्साले जनाएको छ ।
महानगरपालिकाको वारुण यन्त्रमा काम गर्दै आएका चौरसिया बिहिबार साझ कार्यालयबाट घर आएको र घरबाट बजार निस्किएपछि अचानक बेपत्ता भएका थिए ।
घटनाबारे थप अनुसन्धान भइरहेको प्रहरीले जनाएको छ ।
