रामबाबु गुरुङ र दयाहाङ राइ निर्माता रहेको चलचित्र ‘माछा माछा’को ट्रेलर सार्वजनिक भएको छ । नौमती इन्टरटेन्मेन्ट प्रोडक्शनको ब्यानरमा निर्मित चलचित्रमा लेखन तथा निर्देशन सुनिल गुरुङको छ ।
चलचित्रमा ओम चन्द रौनियार र अर्जुन कार्की सह–निर्माताको रुपमा छन् भने कार्यकारी निर्माताको रुपमा मणिराम पोखरेल छन् । चलचित्रमा सौगात मल्ल, नम्रता श्रेष्ठ, माओत्से गुरुङ, प्रविण खतिवडा, विजय बराल, अनोज पाण्डे, सरिता गिरी, भोलाराज सापकोटा, पुष्कर गुरुङ, कमलमणी नेपाल लगायतका कलाकारको मुख्य भूमिका छ ।
चलचित्रमा शिवराम श्रेष्ठको छायांकन, निमेष श्रेष्ठको सम्पादन, अनुपम शर्माको संगीत, प्रविण सिंहको कोरियोग्राफी छ । चलचित्रले एक व्यक्तिलाई मार्न पैसा लिएका तीन युवा र उनीहरुको दौडधुपको कथालाई उठान गरेको छ ।
चलचित्र कात्तिक २९ गतेदेखि प्रर्दशनमा आउने भएको छ ।
