सामाजिक उत्तरदायित्व अन्र्तरगत सिएमजी क्लब वीरगन्जले १० थान साइकल वितरण गरेको छ । शान्ति सुरक्षा कायम गर्न सहयोग पु¥याउने उद्देश्यले सिएमजी क्लबले जिल्ला ट्राफिक कार्यलय पर्सालाई १० थान साइकल उपलब्ध गराएको हो ।
बिहिबार आयोजना गरिएको एक कार्यक्रममा क्लबका निर्देशक महेश्वरमान जोशीले ट्राफिक लाइट र साइरन जडित साइकल प्रहरी निरीक्षक राजकुमार सिंहलाई हस्तान्तरण गरे । कार्यक्रमा प्रहरी निरीक्षक सिंहले वीरगन्ज महानगरपालिकाकको शान्ति सुरक्षा कायम गर्न सहयोग पु¥याउने विश्वास व्यक्त गरे ।
दिपावली तथा छटको अवसरमा हुने अपराधिक घटना नियन्त्रणसँगै बजार व्यावस्थापन कार्यमा सहयोग पुग्ने निर्देशक जोशीले बताए । नेपालमा दैविक विपद पर्दा क्लबले विभिन्न समयमा सहयोग गर्दै आएको जोशीले बताए ।क्लवले यसअघि सर्लाहीमा ६०, विराटनगरमा १० र काठमाडौंमा १० ओटा साइकल वितरण गरिसकेको छ ।
