काठमाडौंको तारकेश्वर नगरपालिकामा एक विद्यालयको छाना खस्दा ३९ जना विद्यार्थी घाइते भएका छन् ।
तार्केश्वर नगपालिलका ३ स्थित जितपुरमा रहेको विद्याकुञ्ज सेकेन्डरी बोर्डिङ स्कुलको खसेको हो ।
'सबै विद्यार्थीको उद्धार भइसकेको छ। कतिपयको हात भाँचिएको, शरीरका विभिन्न ठाउँमा चोटपटक लागेको छ।' महानगरीय प्रहरी परिसर काठमाडौंका एसएसपी उत्तमराज सुवेदीले भने।
विद्यालयमा खेलकुद गतिविधि भइरहेका बेला बरण्डामा धेरै विद्यार्थीको भार थाम्न नसकेर भाँचिएर दुर्घटना भएको एसएसपी सुवेदीले जानकारी दिए ।
घाइते विद्यार्थीहरुको सामाखुसीस्थित ग्रीनसिटी अस्पतालमा उपचार भैरहेको छ ।
