तेस्रो संस्करणको नेपाल प्रिमियर लिग (एनपीएल) अन्तर्गत आजको खेलमा काठमाडौं गोर्खाजले कर्णाली याक्सलाई ४ विकेटले हराएको छ।

लगातार तेस्रो जितको खोजीमा रहेको कर्णालीको यात्रामा काठमाडौंले ब्रेक लगाएको हो।

दुई खेलमा काठमाडौंको यो पहिलो जित हो। जितका लागि पाएको १८१ रनको विशाल लक्ष्य काठमाडौंले १९.४ ओभरमा ६ विकेटको क्षतिमा पूरा गर्‍यो।

ब्याटिङमा कर्णालीका लागि राशिद खानले ५० र कप्तान करण केसीले ४४ रनको योगदान गरे।

बलिङमा कर्णालीका कप्तान सोमपाल कामी र हुसैन तलातले २/२ विकेट लिए।

त्यसअघि कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा टस हारेर पहिला ब्याटिङ गरेको कर्णालीले निर्धारित २० ओभरमा ६ विकेटको क्षतीमा १८० रन बनाएको थियो।

ब्याटिङमा कर्णालीका अरिफूल स्लामले ४४, हुसैन तलातले ४०, पवन सराफले ३० रनको योगदान गरे।

काठमाडौंका कप्तान करण केसीले २ विकेट लिए।