बिएल संवाददाता
प्रधानन्यायाधीश डा. मनोजकुमार शर्माले आफ्नो नाम जोडेर अमेरिकामा घुससम्बन्धी विषयमा प्रकाशित समाचारप्रति आपत्ति जनाएका छन्।
बिहीबार विज्ञप्ति जारी गर्दै उनले केही सञ्चारमाध्यममा आफ्नो नामसमेत जोडेर प्रकाशित समाचारप्रति आश्चर्यचकित र स्तब्ध भएको बताएका हुन्।
प्रधानन्यायाधीश शर्मा र रास्वपा सांसद एवं पूर्व एआईजी विश्वराज पोखरेलको नाममा अमेरिकामा ‘घुस’ फिक्सर इनमको मोबाइलले खुलाएको प्रमाण लगायतका शीर्षकमा प्रकाशित समाचारमा उल्लेखित व्यक्ति र प्रसङ्गमा आफ्नो कुनै संलग्नता नरहेको उनले स्पष्ट पारेका छन्।
उनले आधारहीन र कपोलकल्पित समाचारको भ्रममा नपर्न सम्पूर्ण अनुरोध गरेका छन्।
बिहीबार दिउँसो एक विज्ञप्ति जारी गर्दै शर्माले भनेका छन्, ‘आज दियो पोष्ट भन्ने सञ्चारमाध्यममा मेरो नाम समेत जोडी ‘प्रधानन्यायाधीश शर्मा र रास्वपा सांसद पोखरेलको नाममा अमेरिकामा ‘घुस’: फिक्सर इनमको मोबाइलले खुलाएको प्रमाण!’ लगायतका शीर्षकमा प्रकाशित समाचारप्रति म आश्चर्यचकित र स्तब्ध भएको छु। ती व्यक्तिहरूसँग मेरो प्रत्यक्ष एवं परोक्ष रूपमा चिनजान, सम्पर्क समेत छैन। मैले कहिल्यै भेटेको पनि छैन। उक्त प्रसंगमा उल्लिखित मिति November, December, January मा म प्रधानन्यायाधीश पनि भइनसकेको अवस्था छ। यसरी आधारहीन, झूटा, कपोलकल्पित र जनतामा भ्रम हुने दूषित उद्देश्यबाट प्रसारित समाचारको म भर्त्सना गर्दछु।’
विस्तृत शान्ति सम्झौतादेखि जेनजी विद्रोहसम्म: धरमराएको ‘शान्ति-यात्रा’
प्रधानमन्त्रीको भारत भ्रमण ‘नयाँ कूटनीतीको परीक्षा’
अब समाजमा झुकेको आमाबुबाको शिर उठाउनु छ…
धन्न! यूएईको जेलबाट बाँचेर फर्किएँ...
‘सरकार! प्रहरीमा तिम्रो गैरसंवैधानिक खेल हुन्छ है फेल’
धार्मिक आस्थाको मञ्चमा राजनीतिक सन्देशः छठलाई नेताहरूले कसरी गरे उपयोग?
‘हेक्का रहोस्, श्रीमद्भागवत, महाभारत जस्ता ग्रन्थ प्रश्नकै जगमा आएका हुन्’
१ .
२ .
३ .
४ .
५ .
प्रतिक्रिया