प्रतिनिधि सभा सदस्य निर्वाचनमा झापा–५ बाट रास्वपा वरिष्ठ नेता बालेन शाह भारी मतान्तरले विजयी भएका छन्।

फागुन २१ गते सम्पन्न निर्वाचनको शनिबार सार्वजनिक अन्तिम मतरिणामअनुसार बालेन शाह ६८,३४८ मत ल्याएर निर्वाचित भए।

उनका निकटतम प्रतिस्पर्धी एमालेका अध्यक्ष केपी ओलीले १८,७३४ मत मात्र ल्याउन सके। दुई उम्मेदवारबीच मतान्तार ४९,६१४ रहेको छ।

योसँगै केपी ओलीको अहंकारको राजनीति झापामै ढलेको छ। झापा विद्रोहबाट राष्ट्रिय राजनीतिमा उदायका ओलीको पतन झापामै पुगेर भएको छ।

रास्वपाले यसअघि नै प्रधानमन्त्रीका उम्मेदवारका रुपमा अघि सारेका बालेन शाह प्रधानमन्त्री बन्ने लगभग पक्का भइसकेको छ। जारी मतगणनामा रास्वपाले प्रत्यक्षमै १०० बढी सिट जित्ने पक्कापक्की भइसकेको छ।

सरकार गठनका लागि प्रतिनिसभामा १३८ सांसदको समर्थन आवश्यक हुन्छ। रास्वपाले झन्डै दुईतिहाइ सिट जित्ने अनुमान गरिएको छ।