बिएल संवाददाता
संसद सचिवालयका महासचिव डा.भरतराज गौतमले पदबाट राजीनामा दिएका छन्।
गौतमले आइतबार साँझ राष्ट्रपति रामचन्द्र पौडेलसमक्ष राजीनामा दिएका हुन्।
गौतम २०७७ वैशाखमा सचिवालयकाे महासचिव नियुक्त भएका थिए। पदावधि सकिन ८ महिना बाँकी छँदै उनले राजीनामा दिएका हुन्।
गौतमकाे राजीनामालगत्तै महासचिवमा पदमप्रसाद पाण्डेको नाम सिफारिस भएको छ।
सभामुख देवराज घिमिरे र राष्ट्रियसभा अध्यक्ष गणेश तिमल्सिनाले राष्ट्रपति पौडेलसमक्ष पाण्डेको नाम सिफारिस गरेका हुन्।
कार्यकाल सकिन बाँकी छँदै एमालेनिकट गौतमलाई राजीनामा गराएर साेही पार्टीनिकट पाण्डेलाई महासचिव नियुक्तिका लागि सिफारिस गरिएकाे हाे।
१ .
२ .
३ .
४ .
५ .
प्रतिक्रिया