भर्जिनियाको मनाससमा यही डिसेम्बर २२ तारिखका दिन आयोजना गरिएको कृष्ण कँडेल दोहोरी साँझ हाउसफुल मात्रै हैन, धेरै दर्शक कार्यक्रम स्थलमा आएर पनि टिकट नपाएर फर्किनुपरेको थियो।

कार्यक्रममा बोल्दै कृष्ण कँडेलले भने बैकुण्ठ हुन्छ भने बैकुण्ठमा बसेको अनुभूति भर्जिनियाको कार्यक्रमले गरायो।

दोहोरी साँझमा लोक गायक रामप्रसाद खनाल, लोक गायक प्रेमराजा महत समेतले अतिथिगायकका रुपमा गीत गाएर दर्शकलाई मनोरन्जन दिएका थिए।

गायिका निशा सुनार र कृष्ण कँडेलको दोहोरी घम्साघम्सीमा दर्शकले भरिएको हल लोक गीतमय भएको थियो। ५ बजे हल खोलिएको र कार्यक्रम ६ बजे सुरु हुने भनिएको भएपनि कार्यक्रम ३५ मिनेट ढिलो सुरु भएको थियो। 

नयाँ पुस्तालाई लोक संस्कृतिको जानकारी दिने तथा बुढापाकाहरूको लोक गीत सुन्न र कृष्ण कँडेल भेट्ने साइत आयोजक निर्देश अधिकारी, सरोज केसी, गणेश पाण्डे तथा मिलन गोर्खालीले जुराएका हुन्।