अध्यक्ष प्रचण्डले हाल पार्टी भित्र देखिएको वैचारिक, राजनीतिक, व्यवहारिक र सांस्कृतिक विचलनप्रति चिन्ता व्यक्त गर्दै पार्टीलाई फेरि समाजवादको दिशातर्फ अग्रसर गराउने संकल्पमा सबैले दृढ प्रतिबद्धता व्यक्त गर्न आवश्यक रहेको बताए। ‘आजभोलि पार्टीभित्र थुप्रै किसिमका विचलनहरू देखिन थालेका छन्, उनले भने, ‘यी सबैसँग जुध्दै समाजवादको यात्रामा अगाडि बढ्न हामी सबै थप प्रतिवद्ध हुनुपर्छ।’
बिएल संवाददाता - काठमाडौं
प्रधानमन्त्री केपी शर्मा ओली बोल्न थालेपछि राष्ट्रिय स्वतन्त्र पार्टीका सांसदहरूले बहिष्कार गरेका छन्। बेल घेरिरहेका उनीहरू प्रधानमन्त्री ओली रोष्ट्रममा उक्लिनासाथ बाहिरिएका हुन्। लामो समयदेखि उनीहरूले भिजिट भिसा प्रकरणमा गृहमन्त्रीको राजीनामा र छानबिन समितिको माग गर्दै वेल घेराउ गरिरहेका छन्। प्रतिनिधिसभालाई सम्बोधन गरेर आजै प्रधानमन्त्री केपी शर्मा ओली स्पेन भ्रमण जाँदैछन्।
बिएल संवाददाता - काठमाडौं
-1750489406.png)
रास्वपा र राप्रपाका सांसदहरूले आज पनि प्रतिनिधिसभाको बैठक अवरोध गरेको छ। भिजिट भिसा प्रकरणमा मुछिएका गृहमन्त्रीको राजीनामा र छानबिन समितिको माग गर्दै उनीहरूले बैठक अवरोध गरेको हो।
बिएल संवाददाता - काठमाडाैं
प्रधानमन्त्री केपी शर्मा ओलीले महाधिवेशन नआउँदै पार्टीभित्र केही स्वार्थ तत्वहरूलाई महाधिवेशन लागेको टिप्पणी गरेका छन्। यस्तै, उनले शिक्षक, विद्यार्थी र सबैको मेहनतका कारण यस वर्षको माध्यमिक शिक्षा परीक्षा (एसइइ) मा गत वर्षको भन्दा १४ प्रतिशत बढी विद्यार्थी उत्तिर्ण भएको उल्लेख गर्दै आगामी वर्ष थप सुधार ल्याउने गरी काम गरिने बताए।
बिएल संवाददाता - काठमाडाैं
‘मूर्खतापूर्वक खामेनेईले कसरी भन्न सके कि उनले इजरायलसँग युद्ध जिते? उनलाई थाहा छ कि झुट बोलिरहेको छु भन्ने’ ट्रम्पले भनेका छन् ‘इरान ध्वस्त भइसकेको छ। उसका तीन परमाणु केन्द्रहरू नष्ट भएका छन्। इजरायल वा अमेरिकी सैनिकलाई मैले खामेनेईको जीवन समाप्त नगर्न भनेको हुँ। नत्र हामीलाई थाहा थियो उनी कहाँ लुकेर बसेका छन् भन्ने…।’
बिएल संवाददाता -
भ्रमणका अवसरमा प्रधानमन्त्री ओलीले सम्मेलनलाई सम्बोधन गर्नेछन् भने स्पेनका राजा फिलिप द्वितीयसँग शिष्टाचार भेट र स्पेनका समकक्षी सान्चेजसँग भेटवार्ता पनि गर्ने छन्। साथै, विश्वका अन्य मुलुकका नेताहरूसँग भेटवार्ता गर्ने कार्यसूची पनि रहेको छ। यो सम्मेलनमा विश्वका सबै सरकारका नेताहरू, विश्व र क्षेत्रीय संस्था, वित्तीय र व्यापारिक संस्था, व्यवसायी, नागरिक समाज र संयुक्त राष्ट्र प्रणालीका सम्बन्धित प्रतिनिधि सहभागी हुनेछन्।
बिएल संवाददाता - काठमाडौं
ट्रम्पले राजनीति हैन यहाँ त प्रदर्शन र टिभि शोको जस्तो राजनिति गरिरहेका छन्। WWE मा सबै कुरा स्क्रिप्टअनुसार चल्छ। त्यहाँ पात्रहरू ‘फेस’ (नायक) र ‘हिल’ (खलनायक) मा बाँडिन्छन्। ट्रम्पले पनि यही प्रवृत्ति अपनाएका छन् अहिले फेक न्युज मिडिया, विरोधीलाई तल्लोस्तरका टिप्पणी आदी गरेर। ट्रम्पको यो कार्यशैली सायद अमेरीकाको हित वा हित विपरित के हो त्यो आउने समयले देखाउने नै छ। तर कुनै पनि राष्ट्रको राष्ट्राध्यक्ष यस्तो हुनु भनेको त्यो देश मात्र हैन पुरै विश्व नै खतरामा पर्ने संकेत हो भन्न चाहीं १००% सकिन्छ। डोनाल्ड ट्रम्पको राष्ट्रपति कार्यकाल राजनीति नभएर एक Wrestling Show जस्तै बन्दै छ। जहाँ नायकले खलनायकलाई ‘bodyslam’ गरेर विजयी हुने सपना देखिन्छ। त्यस्तै अहिले डोनाल्ड ट्रम्प नायक र बाँकी देशका सबै खलनायक भएका छन्।
बिएल संवाददाता - काठमाडौं
राष्ट्रिय परीक्षा बोर्ड, परीक्षा नियन्त्रण कार्यालयले माध्यामिक शिक्षा परीक्षा (एसईई) को नतिजा सार्वजनिक गरेको छ। यस वर्षको परीक्षामा ४८ हजार १७७ जनाले ३.६ देखि ४ जीपीए ल्याएको राष्ट्रिय परीक्षा बोर्डका अध्यक्ष डा महाश्रम शर्माले पत्रकार सम्मेलनमार्फत जानकारी दिएका छन्।
बिएल संवाददाता - काठमाडौं
राष्ट्रिय परीक्षा बोर्डले ०८१ सालमा सञ्चालित माध्यमिक शिक्षा परीक्षा (एसईई)को नतिजा सार्वजनिक गरेको छ। बेरअघि बसेको बोर्ड बैठकको निर्णयअनुसार रिजल्ट सार्वजनिक गरिएको हो। बोर्डका अनुसार ६२ प्रतिशत विद्यार्थीहरू ग्रेडेड (उत्तिर्ण) भएका छन्। जसमध्ये ४८ हजार १७७ जनाले ३.६ देखि ४ जीपीए प्राप्त गरेका छन्। शिक्षक आन्दोलनका कारण यसपाली नतिजा प्रकाशनमा केही दिन ढिला भएको बोर्डले जनाएको छ।
बिएल संवाददाता - काठमाडौं
नेपाली कांग्रेसका सभापति शेरबहादुर देउवाले सत्ता साझेदार दल नेकपा एमाले फरक दल भएकोले असमझदारी देखिनु सामान्य भएको बताएका छन्। शुक्रबार चितवनमा सञ्चारकर्मीहरूसँग कुराकानी गर्दै देउवाले सत्ता गठबन्धनमा साझेदारी गरे पनि कांग्रेस-एमाले फरक-फरक दल भएकाले असमझदारी देखिनु सामान्य भएको र बेलाबखत असमझदारी भइरहने बताएका हुन्।
बिएल संवाददाता - चितवन
नेकपा एकीकृत समाजवादीले अध्यक्ष माधवकुमार नेपालमाथि राजनीतिक प्रतिशोध साँधेको निष्कर्ष निकालेको छ। शुक्रबार पार्टी कार्यालयमा बसेको सचिवालय बैठकले पताञ्जली जग्गा हिनामिना प्रकरणमा अध्यक्ष नेपालमाथि षड्यन्त्रपूर्वक मुद्दा दायर गरिएको निष्कर्ष निकालिएको उपाध्यक्ष प्रकाश ज्वालाले जानकारी दिए।
बिएल संवाददाता - काठमाडौं
नेपाली कांग्रेसका प्रचार विभाग प्रमुख मीन विश्वकर्माले रास्वपाले सभापति रवि लामिछानेको पक्षमा सुरु गरेको हस्ताक्षर अभियानप्रति असन्तुष्टि जनाएका छन्। शुक्रबार सामाजिक सञ्जालमार्फत विश्वकर्माले रास्वपाले पार्टी स्थापना दिवसको अवसर पारेर सभापतिको पक्षमा थालेको हस्ताक्षर अभियानप्रति प्रश्न उठाएका हुन्।
बिएल संवाददाता - काठमाडौं
राष्ट्रिय परीक्षा बोर्डले ०८१ सालमा सञ्चालित माध्यमिक शिक्षा परीक्षा (एसईई)को नतिजा शुक्रबार साँझ साढे ५ बजे प्रकाशित गर्ने तयारी गरेको छ। बोर्डका अध्यक्ष डा. महाश्रम शर्माले शुक्रबार साँझ साढे ५ बजे एसईई नतिजा सार्वजनिक गर्ने तयारी गरिएको बताएका छन्।
बिएल संवाददाता - काठमाडौं
नेपाली कांग्रेसले आफ्नो केन्द्रीय कार्यालय रहेको ललितपुरको सानेपास्थित परिसरलाई थप व्यवस्थित र फराकिलो बनाउने उद्देश्यले १९ आना जग्गा खरिद गरेको छ। कांग्रेसका मुख्य सचिव कृष्णप्रसाद पौडेलका अनुसार, सानेपास्थित केन्द्रीय कार्यालय अगाडिको १९ आना (एक रोपनी तीन आना तीन पैसा) जग्गा र त्यसमा निर्मित तीन तले घर खरिद गर्ने निर्णय भएको हो। उक्त जग्गा र घर ललितपुर निवासी अमिरमान अमात्यको स्वामित्वमा थियो।
बिएल संवाददाता - काठमाडौं
बलात्कार आरोपमा नेकपा (माओवादी केन्द्र)को युवा दस्ता संगठन योङ्ग कम्युनिष्ट लिग (वाईसीएल)का नेता रेशम क्षेत्री पक्राउ परेका छन्। रुकुम पश्चिमको चौरजहारी घर भएका क्षेत्री वाईसीएलको कर्णाली प्रदेश कमिटी सदस्य तथा चौरजहारी नगर कमिटी ईन्चार्ज हुन्। उनलाई रुकुम प्रहरीले बिहीबार राति सानीभेरी गाउँपालिकास्थित एक होटेलबाट पक्राउ गरेकोह हो। उनीविरुद्ध आजै अदालतबाट म्याद थप गरेर थप अनुसन्धान अगाडि बढाइने प्रहरीले जनाएको छ।
बिएल संवाददाता - रुकुम पूर्व
पुरानो बसपार्कमा निर्माणाधिन ‘काठमाडौं भ्यू टावर’का ठेकेदार व्यवसायी मनोज भेटवाल पक्राउ परेका छन्। भेटवाललाई शुक्रबार बिहान अनामनगर क्षेत्रबाट पक्राउ गरिएको जिल्ला प्रहरी परिसर काठमाडौंले जनाएको हो।
बिएल संवाददाता - काठमाडौं
परराष्ट्रमन्त्री आरजु राणा देउवा शुक्रबार इटली प्रस्थान गरेकी छन्। राजधानी रोममा जुन २८ देखि जुलाई ४ सम्म आयोजना हुने खाद्य तथा कृषि संगठन एफएओको ४४औं सम्मेलनमा भाग लिन मन्त्री राणा त्यसतर्फ प्रस्थान गरेकी हुन्। परराष्ट्रमन्त्री राणा नेतृत्वको नेपाली प्रतिनिधिमण्डलमा अष्ट्रियाका लागि नेपाली राजदूत भरतकुमार रेग्मी र पराष्ट्र मन्त्रालयकै केही कर्मचारीहरू र कृषि तथा पशुपंक्षी विकास मन्त्रालयका अधिकारीहरू सहभागी छन्।
बिएल संवाददाता - काठमाडौं
यसैबीच, अमेरिकी राष्ट्रपतिको युद्ध समाप्त गर्ने योजनाको हिस्साको रूपमा नयाँ देशहरू अब्राहम सम्झौतामा सामेल हुने र इजरायलले भविष्यमा प्यालेस्टाइनी राज्यलाई समर्थन गर्ने प्रतिबद्धता जनाउनुपर्ने प्रस्ताव छ। गाजाको पुनर्वास योजनाको हिस्साको रूपमा, इच्छुक बसाइँ सर्न चाहने गाजाका स्थानीलाई केही देशहरूले स्वीकार गर्ने पनि उल्लेख छ।
बिएल संवाददाता - काठमाडौं
‘हालसम्म राष्ट्रिय सडक सञ्जालमा जोडिन बाँकी रहेको जिल्ला हुम्लाको सदरमुकाम सिमकोट अब केही दिनमै राष्ट्रिय सडक सञ्जालमा जोडिने भएको छ। हुम्लामा सडक सञ्जाल पुर्याउने हाम्रो दशकौँ पुरानो सपना पूरा हुँदैछ। यो सडक चलेपछि नेपाल हिल्सा नाकाबाट छिमेकी मित्रराष्ट्र चीनसँग जोडिने छ।’
बिएल संवाददाता - काठमाडौं
पूर्वराजा ज्ञानेन्द्र शाहका ‘संवाद सचिवालय’ एक सूचना जारी गर्दै उनको जन्मोत्सवमा निर्मल निवास आम सर्वसाधारणका लागि खुला हुने जानकारी दिएको छ। संवाद सचिव फणिराज पाठकले ‘श्री ५ महाराजधिराज’ सम्बोधन गर्दै उनको जन्मउत्सवबारे सूचना जारी गरेका हुन्। यो अवसरमा शुभकामना तथा अभिवादन ग्रहण गर्न निर्मल निवास खुला हुनेछ। जन्मदिन मनाउनका लागि बिहान ११ बजेदेखि दिउँसो २ बजेसम्म निर्मल निवास जानुपर्नेछ।
बिएल संवाददाता - काठमाडौं
१ .
२ .
३ .
४ .
५ .
