गायक दुर्गेश थापालाई प्रहरीले पक्राउ गरेको छ । अपराध महाशाखाको टोलीले मंगलबार थापालाई पक्राउ गरेको पुष्टि गरेको छ ।
तिहार गीत ‘ह्याप्पी तिहार, चिसो वियर’लाई बिगारेर सामाजिक सहिष्णुता बिगारेको आरोपमा थापालाई पक्राउ गरिएको महानगरीय अपराध महाशाखाका प्रमुख एसएसपी सहकुल थापाले जानकारी दिए ।
थापामाथि जिल्ला प्रशासन कार्यालय काठमाडौंमा सोमबार उजुरी परेको थियो ।
चाँडै लोकप्रियता पाए पनि यसका केही शब्दहरुलाई लिएर आलोचना भएपछि प्रशासन कार्यालयले यस विषयमा बुझ्न अपराध अनुसन्धान महाशाखा टेकुमा पत्राचार गरेपछि उनलाई पक्राउ गरेको प्रहरीले बताएको छ ।
