नेपाली राष्ट्रिय फुटबल टिमले म्यानमारको राष्ट्रिय टिम र इङलिस क्लबसँग मैत्रीपूर्ण खेल खेल्ने भएको छ ।
अखिल नेपाल फुटबल संघ (एन्फा) ले आइतबार नेपाली राष्ट्रिय टिमले म्यानमार र इंग्ल्याण्डको सी डिभिजन क्लब एल्डरसट टाउनसँग खेल्ने जनाएको छ ।
नेपालले आगामी नोभेम्बर ७ मा म्यानमारसँग उसैको घरेलु मैदानमा खेल्नेछ ।
कतारमा आयोजना हुने फिफा विश्वकप छनोट अन्तर्गत समूह चरणको खेल खेलिरहेको नेपालले घरेलु मैदानमा हुने खेलअघि म्यानमारसँग खेल्नेछ । यस्तै नेपालले टाउनसँग सन् २०२० को मे २५ मा मैत्रीपूर्ण खेल खेल्नेछ । उक्त खेल एल्डरसटको घरेलु मैदानमा हुनेछ ।
नेपालले पहिलो घरेलु खेल त्रिपुरेश्वरस्थित दशरथ रंगशालामा कुवेतसँग नोभेम्बर १९ मा खेल्नेछ ।
छनोटको समूह बीमा रहेको नेपालले ४ खेलमा ३ अंक जोडेको छ । नेपाल समूहको चौंथो स्थानमा छ ।
