ट्याक्टरबाट लडेर मोरङमा एक जनाको मृत्यु भएको छ । मृत्यु हुनेमा मिक्लाजुङ गाउँपालिका–६का २२ वर्षे मिलन कार्की रहेका छन्।
पूर्वबाट पश्चिमतर्फ जाँदै गरेको मे १ त १३२९ नम्बरको ट्याक्टरमा सवार उनको मधुमल्ला–दमक भित्री सडकमा शुक्रबार मत्यु भएको हो । मोरङ प्रहरीका प्रवक्ता डीएसपी राजकुमार खिँउजुका अनुसार ट्याक्टरबाट खसेका उनलाई पछाडिको चक्काले किचेर गम्भीर घाइते बनाएको थियो।
कार्कीको उपचारका क्रममा झापाको दमकस्थित लाइफलाइन अस्पतालमा मृत्यु भएको जानकारी खिँउजुले जानकारी दिए। ट्याक्टर र चालकलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ।
