काठमाडौंको जयवागेश्वरीमा सडकमा हिँडिरहेका एक व्यक्तिमाथि खुकरी प्रहार गरी घाइते बनाएको आरोपमा एक युवक पक्राउ परेका छन् । पक्राउ पर्नेमा विक्रम लिम्बु रहेका छन् ।
महानगरीय प्रहरी परिसरका काठमाडौंका प्रवक्ता होविन्द्र बोगटीका अनुसार फुलपातीका दिन सडकमा हिँडिरहेका नरेश देउजालाई घाइते बनाएको आरोपमा मंगलबार काठमाडौंको सिनामंगलस्थित सुकुम्बासी बस्तीबाट लिम्बुलाई पक्राउ गरिएको हो ।
पक्राउ परेका लिम्बुले व्यक्तिगत रिसइवी साँध्न खुकुरी प्रहार गरेको भन्ने बयान दिएको उनले बताए ।
घाइते देउजाको अहिले त्रिवि शिक्षण अस्पताल महाराजगञ्जम उपचार भैरहेको छ ।
