राष्ट्रिय टोलीका लेग स्पिनर सन्दीप लामिछानेले कप्तानीबाट राजिनामा पारस खड्का लिजेन्ड भएको बताएका छन् ।
मंगलबार सन्दीपले सामाजिक सञ्जालमा एक स्टाटस लेख्दै पूर्व कप्तान खड्काले गरेको नेतृत्व अन्तर्गत यात्रा सुरु गर्दै गर्दा अहिले जुन अवस्थामा पुगेका छौं जुन अवस्थामा नेपाल क्रिकेट पहिले कहिल्यै नपुगेको बताएका छन् ।
'तपाईंले विगतका वर्षहरूमा मलाई र धेरै युवाहरूलाई प्रेरित गर्नुभयो र हामीलाई यो सुन्दर खेललाई प्रेम गर्ने सबै कारणहरू दिनुभयो। तपाईको भविष्यका प्रयासका लागि हार्दिक शुभकामना र हामी तपाईलाई सकेसम्म धेरै बर्ष नेपालको प्रतिनिधित्व गरेको देख्न चाहन्छौं तपाईं साँच्चिकै एक लिजेन्ड हुनुहुन्छ जसले हाम्रो सबै हृदयमा ठूलो छाप पारेको छ। यहाँ तपाईं क्याप्टेन हुनुहुन्छ! द लिजेन्ड पारस खड्का।’उनले लेखेका छन् ।
