पोर्चुगीज स्टार स्ट्राइकर क्रिस्टियानो रोनाल्डोले आफ्नो क्यारियरमा ७ सयौ गोल पुरा गरेका छन् ।
मंगलबार बिहान भएको युरोकप छनोट २०२० को खेलमा युक्रेनविरुद्ध पेनाल्टीमार्फत एक गोल गर्दै आफ्नो देश पोर्चुगलका लागि ९५औ गोल गरे भने क्यारियरमा ७ सय गोल पुरा गरेका हुन् ।
रोनाल्डोले पोर्चुगलका लागि ९५ गोल गर्दा क्लब रियल म्याड्रिडका लागि ४५०,म्यानचेस्टर युनाइटेडका लागि ११८,युभेन्टसका लागि ३२ र लेभलमा स्पोर्टिंग सिपिका लागि ५ गोल गरेका छन् ।
अन्तर्राष्ट्रिय फुटबलमा राष्ट्रिय टिमका लागि रोनाल्डो भन्दा अगाडी इरानका अली दाइ १०९ गोल गर्दै अगाडी रहेका छन् ।
आफ्नो फुटबल क्यारियरमा ७ सय गोल गर्ने रोनाल्डो छैठौ खेलाडी हुन् । अहिलेसम्म धेरै गोल गर्ने रेकर्ड भने चेक–अस्ट्रियाका स्ट्राइकर जोसेफ बिकानको नाममा रहेको छ । उनले कुल ८०५ गोल गरेका छन् ।
त्यस्तै यस सुचिमा दोस्रो स्थानमा रहेका ब्राजिलियन खेलाडी रोमारियोले आफ्नो क्यारियरमा ७७२ गोल गरेका थिए । त्यस्तै ब्राजिलियन खेलाडी पेलेले आफ्नो क्यारियरमा ७६७ गोल गरेका थिए ।
त्यसै गरि यस सूचिको चौथो स्थानमा हंगेरीका महान खेलाडी फेरेंक पुकास रहेका छन् । पुकासले ७४६ गोल गरेका छन् । त्यस्तै यस सूचिको पाँचौ नम्बरमा जर्मनीका जेर्ड मुलर रहेका छन् । उनले ७३५ गोल गरेका छन् ।
