धनुषा र सिरहा छुट्याउने कमला नदीको किनारमा सकेट बम भेटिएको छ । सिरहा करजन्हा नगरपालिका–३ कमला खोलाको बगरमा बालुवाले पुरिएको अवस्थामा सोमबार बिहान बम भेटिएको हो ।
कमला नदीमा बालुवा चाल्ने मजदुरले बालुवा चाल्ने क्रममा बम जस्तो बस्तु देखेपछि प्रहरीलाई खबर गरेका थिए ।
खिया लागेको र पुरानो जस्तो भएकोले बम नदीमा बगेर आएको हुन सक्ने इलाका प्रहरी कर्यालय मिर्चैयाका प्रमुख डीएसपी सुखदेव खनालले जानकारी दिए ।
बम डिस्पोजको लागि सिरहाको चोहर्वामा रहेको नेपाली सेनाको बम डिस्पोजल टोली घटनास्थल पुगिसकेको छ ।
