एमाले महाधिवेशन

मैले जितेँ भनेआगामी चुनावमा एमालेलाई बहुमत दिलाउँछु : भीम रावल

File Photo
File Photo

नेकपा एमालेको अध्यक्षमा उम्मेदवारी दिएका भीमबहादुर रावलको आफूले जितेमा आगामी आमनिर्वाचनमा पार्टीलाई बहुमत दिलाउने बताएका छन्। रावलले सोमबार बिहान उम्मेदवारी दर्ता गराइसकेका छन्।

‘पार्टी नेतृत्वका लागि कसैले घोषणा गर्दैमा हुँदैन। त्यसैले उम्मेदवारी दर्ता गरे,’ उनले भने, ‘हरेक प्रतिनिधिलाई आफूलाई मन लागेको पदमा उठ्ने अधिकार छ। मैले त्यही अधिकार प्रयोग गरेर उम्मेदवारी दिएको हुँ।’

रावलले आइतबार राति नै मनोनयन दर्ता गराउन खोजे पनि निर्वाचन समितिले आज बिहान ८ बजेसम्मलाई स्थगन गरेको थियो। रावलको प्रस्तावकमा महादेव बजगाइँ, समर्थकमा दुधकला विष्ट रहेका छन्।

एमाले अध्यक्षमा भीम रावलको उम्मेदवारी दर्ता 

 

प्रकाशित मिति: : 2021-11-29 09:07:00

प्रतिकृया दिनुहोस्