मैत्रीपूर्ण खेलमा नाईजेरियासँग ब्राजिल बराबरी रोकिएको छ ।
आइतबार सिंगापुरमा भएको खेलमा ब्राजिलले नाईजेरियासँग १–१ गोलको बराबरी रोकिएको हो । खेलको ३५ औं मिनेटमा नै नाईजेरियाले रेन्जर्स जियो अरिबोको गोल मार्फत अग्रता लिएको थियो । पहिलो हाफ १–०ले पछाडी परेको ब्राजिलले खेलको ४८ औं मिनेटका क्यासमिरोले गोल फर्काए ।
गत मंगलबारमात्र ब्राजिलले सेनेगलसंग १–१ गोलको बराबरी खेलेको थियो ।
यसअघि खेलको १२ औं मिनेटमा ब्राजिली स्टार नेयमारले चोट बोक्दै मैदान छाडेका थिए ।उनले बाँया तिघ्रा समाउँदै मैदान छाडेका थिए । उनी गत महिना मात्र चोट मुक्त हुदै मैदान फर्किएका थिए ।
चोट बोकेका नेयमारले अक्टोबर २२ मा च्याम्पियन्स लिगमा क्लब ब्रुगिसविरुद्व हुने खेल गुमाउने संका पैदा भएको छ ।
