राष्ट्रिय प्रजातन्त्र पार्टी (राप्रपा) ले आफ्नो चुनाव चिन्ह ‘गाई’ सङ्ग मिल्दोजुल्दो चिन्ह अर्को पार्टीलाई निर्वाचन आयोगले प्रदान गरेकोमा आपत्ति जनाउदै ज्ञापनपत्र बुझाएको छ।
शुक्रबार पार्टीका वरिष्ठ उपाध्यक्ष बुद्धिमान तामाङको नेतृत्वमा गएको प्रतिनिधिमण्डलले प्रमुख निर्वाचन आयुक्त दिनेश थपलियालाई ज्ञापनपत्र बुझाएको छ।
आगामी उपनिर्बाचनमा गाईसँग मिल्दोजुल्दो गोरु, अर्ना, भैसी, घोडा जस्तो चुनाब चिन्हले मतदानमा अन्यौल हुने हुँदा यस विषयमा निर्वाचन आयोगले उप निर्वाचन अघि नै निर्णय गर्नुपर्ने राप्रपाले जनाएको छ ।
राप्रपाको प्रतिनिधिमण्डलमा वरिष्ठ उपाध्यक्ष तामाङ , प्रबक्ता सुशील श्रेष्ठ , सहायक महामन्त्री राजाराम बर्तौला र केन्द्रिय सदस्य बिजय खड्का थिए ।
