इटालियन सिरी 'ए' फुटबलमा आज (शनिबार) साविक विजेता युभेन्ट्सले एसपीएएलसँग प्रतिस्पर्धा गर्दैछ ।

युभेन्ट्सको घरेलु मैदान हुने खेल नेपाली समयअनुसार ६ः४५ बाट सुरु हुनेछ ।

आजको खेलमा युभेन्ट्सका स्टार स्ट्राइकर क्रिस्टियानो रोनाल्डो फर्किनेछन् । चोटका कारण रोनाल्डो मंगलबार भएको ब्रेसियाविरुद्धको खेलमा अनुपस्थित रहेका थिए । तर, शनिबार भने रोनाल्डो सुरुवात–११ मै समावेश हुनेछन् ।

 सिरी 'ए' अन्तर्गत नै अर्को खेलमा इन्टरले साम्पडोरियासँग खेल्नेछ । त्यस्तै सासोउलोले एटलान्टाको सामना गर्ने छ ।

हाल सिरी ए को अंक तालिकामा इन्टर मिलान १५ अंक जोडेर शीर्ष स्थानमा छ । युभेन्ट्स ५ खेलमा १३ अंकका साथ दोस्रो स्थानमा छ ।