नेपालका संस्कृति, पर्यटन तथा नागरिक उड्डयनमन्त्री योगेश भट्टराईले आज क्यानडाको मन्ट्रियलमा अन्तर्राष्ट्रिय नागरिक उड्डयन संगठन (इकाओ) काउन्सिलका सभापति डा. ओलुमुइवा बेनार्ड अलिउ र इकाओका महासचि डा. फाङ लिउसँग शिष्टाचार भेट गरेका छन् ।
इकाओको ४०औं महासभामा नेपाली प्रमण्डलको नेतृत्व गर्दै सहभागी भैरहेका मन्त्री भट्टराईले महासभाकै क्रममा उनीहरूलाई संयुक्त रूपमा भेटेका हुन् ।
भेटका अवसरमा मन्त्री भट्टराईले नेपालले पछिल्लो समय हवाइ सुरक्षाका लागि चालेका कदमका बारेमा बताउँदै हवाइ दुर्घटनाको संख्यामा आएको उल्लेख्य कमीका बारेमा पनि जानकारी दिएका थिए ।
यो पनि हेर्नुहोस्
नृत्यबाट काठमाण्डौमा सुदूरपश्चिमलाइ चिनाउने देवु
उनले इकाओका सबै नियम अधिनियमप्रति नेपाल प्रतिवद्ध रहेको बताउँदै नेपाली विमान सेवामाथि अलि उदार हुन आग्रह गरेका थिए । उनको संकेत नेपाली विमान सेवालाई युरोेपेली आकाशमा कायमै रहेको प्रतिवन्ध फुकाउनुपर्नेतिर थियो । उनले नेपाल भ्रमण वर्ष २०२० मनाउन लागेको जानकारी गराउँदै सभापति डा. अलिउ र महासचि डा. लिउलाई निम्ता पनि दिए ।
भेटका अवसरमा नेपाली प्रतिनिधिमण्डलका अन्य सदस्यहरू पनि रहेका थिए ।
आजै मन्त्री भट्टराईले इकाओको ४०औै महासभालाई सम्बोधन गरेका थिए ।
महासभामा भाग लिन सेप्टेमबर २४ मा मन्ट्रियल पुगेका भ्ट्टराई सेप्टेम्बर २९ मा नेपाल फर्कने कार्यक्रम रहेको बताइएको छ ।
.JPG)
