रियल म्याड्रिडले स्पेनिस ला लिगामा ओसासुनामाथि जित दर्ता गरेको छ ।

बुधबार घरेलु मैदान सान्टियागो बर्नाबाउमा रियलले २–० को जित दर्ता गरेको हो ।

खेलको ३६ औं मिनेटमा रियलले अग्रता लिएको थियो । टोनी क्रुसको पासमा भिनिसियसले उत्कृष्ट फिनिस गर्दै म्याड्रिडलाई अग्रता दिलाए । पहिलो हाफमा लुका जोभिचले पाएका अवसर सदुपयोग गर्न नसक्दा रियलले अग्रता बढाउन सकेन ।

दोस्रो हाफमा भिनिसियसको स्थानमा मैदान प्रवेश गरेका रोड्रिगो खेलको ४६ औं मिनेटमा क्यासेमिरोको लामो पासलाई नियन्त्रणमा लिँदै उत्कृष्ट गोल गरेका थिए । बाँकी समय कुनै गोल हुन नस्क्ला रियले आफ्नो खातामा स्पष्ट ३ अंक जोड्यो ।

यो जितसँगै अंक तालिकामा रियलको ६ खेलमा १४ अंक छ । रियल अंक तालिकाको पहिलो स्थानमा रहेको छ । त्यस्तै एट्लेटिको १३ अंकसहित दोस्रो स्थानमा छ । यता बिल्बाआ १े२, ग्रानडा ११ तथा बार्सिलोना, सोसिडाड र सेभिल्ला १०–१० अंकमा छन् ।