तेलुगू फिल्मका चर्चित कमेडियन वेणु माधवको निधन भएको छ । लिभर र किड्नी सम्बन्धी रोगबाट ग्रसित उनले हैदरवादको सिकन्दराबादमा रहेको अस्पतालमा निधन भएको परिवार स्रोतले बताएको छ ।

३९ बर्षका माधवक स्वस्थ्यमा धेरै समस्या देखिएपछि उनलाई मंगलबार अस्पताल भर्ना गरिएको भारतीय मिडियाले जनाएका छन् ।

माधवले एक क्यारिकेचर कलाकारको रुपमा आफ्नो करियर सुरु गरेका थिए । त्यसपछि उनले कमेडियनको रुपमा फिल्ममा काम गर्न थाले ।उनले १९९६मा फिल्म संम्प्रदायमबाट फिल्मी करियर सुरु गरेका थिए ।

उनले तमिल र तेलुगूका करिब २०० बढी फिल्म अभिनय गरेका छन् । पछिल्लो समय उनले फिल्म ‘डा.परमानन्देन स्टुडेन्टस्’मा अभिनय गरेका छन् । यो फिल्म रिलिज हुन बाँकी छ ।