जर्मन बुन्डेस लिगामा बोरुसिया डर्टमन्डले फ्रन्कफर्टसँग बराबरी खेल्दै अंक बाँडेको छ । फ्रन्कफर्टको मैदानमा आइतबार राति भएको खेलमा डर्टमन्ड २–२ गोलको बराबरीमा रोकिएको हो ।

डर्टमन्डका लागि एक्सेल विस्टेल र जाडोन सान्चोले गोल गरे । घरेलु टोलीका लागि आन्द्र सिल्भाले गोल गर्दा एक गोल उपहार पाएको थियो ।

खेलको ११औं मिनेटमा थोर्गन हजार्डको पासमा विस्टले गोल गर्दै डर्टमन्डलाई १–० को सुरुवाती अग्रता लिएको थियो । ४३औं मिनेटमा आन्द्रे सिल्भाले गोल गर्द ैखेल १–१ को बराबरी फर्काए ।

६६औं मिनेटमा युवा मिडफिल्डर जाडोन सान्चोले गोल गर्दै डर्टमन्डलाई पुनः २–१ को अग्रता दिलाए । तर, ८८औं मिनेटमा थोमस डिलानेले आत्मघाती गोल गरेपछि डर्टमन्ड अंक बाड्न बाध्य बन्यो ।

बराबरीसँगै डर्टमन्डले दोस्रो स्थानमा उक्लने मौका गुमाएको छ । डर्टमन्ड ५ खेलबाट १० अंक जोडेर तेस्रो स्थानमा छ । समान खेलबाट आरबी लेइप्लिज १३ तथा ११ अंक जोडेको बायर्न म्युनिख शीर्ष दुई स्थनमा छ । फ्रन्कफर्ट ७ अंकसहति नवौं स्थानमा छ ।