मनसुन जारी रहेकाले देशका अधिकांश स्थानमा आज पनि वर्षा हुने जल तथा मौसम पूर्वानुमान महाशाखाले जनाएको छ । 

महाशाखाका अनुसार सुदूरपश्चिम क्षेत्रमा बिहानैदेखि मेघ गजर्नसहित वर्षा भइरहेको छ । त्यहाँ दिउँसो केही स्थानमा भारी वर्षा हुने अनुमान गरिएको छ ।

देशको पश्चिम पहाडका केही स्थान र मध्य तथा पूर्वका तराई भूभागका केही स्थानमा ठुलो वर्षा हुने बताइएको छ भने अन्य स्थानमा पनि हल्कादेखि मध्यम वर्षाको सम्भावना रहेको महाशाखाले जनाएको छ ।

महाशाखाका अनुसार देशभर आज राति पनि सामान्य बदली भएर पूर्व र मध्यका केही स्थानमा र पश्चिमका थोरै स्थानमा मेघगर्जनसहितको हल्कादेखि मध्यम वर्षा हुने छ ।