मोरङको सुनबर्सी नगरपालिका–९ डायनियास्थित मुस्लिम बस्तीमा निर्माणाधिन सेफ्टी ट्यांकीमा निस्सासिएर चार मजदुरको मृत्यु भएको छ।
स्थानीय मर्कर मस्जिदको सेप्टी ट्यांकीको सेटिङ खोल्न ट्यांकीभित्र पसेका चार मजदुरको शनिबार साँझ निस्सासिएर मृत्यु भएको जिल्ला प्रहरी कार्यालय मोरङका डिएसपी तथा प्रवक्ता घनश्याम श्रेष्ठले जानकारी दिए। सेफ्टी ट्यांकी १२ फिट गहिरो छ।
ज्यान गुमाउनेमा सुनबर्सी नगरपालिका–९ का ४५ वर्षीय मोहम्मद कपिल आलम, २५ वर्षीय सहनवाद आलम, २२ वर्षीय मोहम्मद ओसिब आलम र २० वर्षीय फिरोज आलम छन्। कपिल र सहनवाद बाबु छोरा हुन्।
‘सुरुमा एकजना एकजना भित्र पसेको देखिन्छ,’ डिएसपी श्रेष्ठले भने, ‘अक्सिजनको कमीले उनी निस्सासिएर भित्रै ढलेपछि बाँकी अरु क्रमस पसेको देखिन्छ।’
.JPG)
