अमेरिकाका ‘मल्टिमिलियनेर’ र ‘बिलियनेयर’ सम्पति करबारे उत्साहित देखिनु अचम्मको विषय हो। अधिकांशले सम्पति कर बुझाउनु पर्दैन। तर, अब सम्पति कर बुझाउन केही व्यक्ति इच्छुक देखिएका छन्।

भर्खरै सार्वजनिक पत्रमा ‘सबैभन्दा धनी एक प्रतिशत अमेरिकीमध्ये पनि धनाढ्य दशमध्ये एकलाई मध्यम सम्पति कर लगाउन’ आव्हान गरिएको छ। सबैभन्दा धनी एक प्रतिशत अमेरिकीमध्ये पनि धनाढ्य भन्नाले जर्ज सोरोस जस्ता लगानीकर्ता र फेसबुकका सह-संस्थापक क्रिस ह्युज पर्दछन्। उनीहरूसँगै चलचित्र निर्माता एबिगेल डिज्ने, ब्लु हेभन इनिसिएटिभका सह–संस्थापकहरू लिसल प्रिज्कर सिमन्स र इयन सिमन्स पनि समूहमा छन्।

‘हामीलाई यो अवधारणा उचित लाग्यो,’ सिमन्सले भने,‘लिसल र म अन्य साथीहरूसँग पनि छलफल गरिरहेका छौं।’थप एघार परिवारका अठार जना सदस्यले सूचीमा नाम राखे। सबै जना अनुसन्धान र राजनीतिक संगठनमा सक्रिय छन्। केही अमेरिकामा धनी र गरिबबीच बढ्दो अन्तरमा पनि केन्द्रित छन्।